Amber Heard do të duhet të shesë një dhuratë të shtrenjtë që mori dikur nga Elon Musk në mënyrë që të paguajë Johnny Depp pasi humbi gjyqin e tyre për shpifje.
Heard ka qenë në një lidhje me themeluesin e “Tesla” dhe “Space X” dhe kjo do të thotë se ka marrë shumë dhurata nga miliarderi afrikano-jugor.
Një nga këto dhurata ishte një makinë “Tesla Model X”. Makina elektrike mund të përshkojë 628 km me një karikim të vetëm dhe ka 1200 kuaj fuqi. Pavarësisht se është një makinë mjaft e madhe, ajo arrin nga 0 deri në 100 km/h për 2.1 sekonda dhe ka një shpejtësi maksimale prej 250 km/h.
Në të kaluarën ka pasur polemika nëse ajo e bleu vetë makinën apo nëse ishte vërtet një dhuratë nga Musk. Makina vlen rreth 130,000 dollarë amerikanë.
Vendimi unanim i anëtarëve të jurisë mbylli gjyqin shtatë-javor , ku u paraqitën dhjetëra dëshmitarë dhe ekspertë që mendonin se Depp ishte abuzuar nga Heard – ose anasjelltas-gjatë martesës së tyre 15-mujore.
Depp u shpërblye me 15 milionë dollarë, shifër kjo që vonë u reduktua në 10.35 milionë dollarë për shkak të një kufiri për dëmet ndëshkuese sipas ligjit të shtetit.
Gjykatësja Azacarate deklaroi se Heard-i duhet të paguajë të gjithë shumën, 10.35 milionë dollarët e gjykimit plus 480,000 dollarë (6% interes) nëse ajo do të paraqiste një apel.
Çështja do të zhvendoset në Gjykatën e Apelit të Virxhinias pas 21 ditësh dhe të dyja palët do të kenë 30 ditë për të paraqitur një njoftim apeli.
Depp thuhet se është i hapur për të mos e detyruar Heard-in ta paguajë dhe ai nuk do të apelojë 2 milionë dollarët që i detyrohet asaj për pretendimet e ish-avokatit të tij se ka shpifur për aktoren.
