Ish-presidenti i Shteteve të Bashkuara të Amerikës, Barack Obama dhe partnerja e tij Michelle janë prindër të dy vajzave, të cilat tashmë janë studente.
Ato u larguan nga shtëpia për të nisur të pavarura jetën e tyre, mirëpo pandemia i detyroi të rikthehen në shtëpi.
Kështu, Michelle dhe Barack nisën të jetonin sërish me vajzat e tyre 22 dhe 19 vjeçare.
“Supozohej që vajzat ta kishin “boshtatisur” folenë tonë. Isha duke festuar për faktin që ato do të krijonin në pavarësi jetën e tyre dhe do të më krijonin hapësirë për ta përjetuar faktin që duhet t’i lija të shkonin.
Kjo kohë na lejoi të rikuperojmë gjithë momentet që humbëm. Ato çaste janë kaq të rëndësishme për ne dhe them që kjo periudhë e ka bërë lidhjen tonë me fëmijët edhe më të fortë.”- u shpreh Michelle.
Mirëpo, ish-zonja e parë nisi t’i trajtojë ndryshe të bijat pas kthimit të tyre në shtëpi. Kjo për faktin se ato kishin nisur të bëheshin tashmë të pavarura, ndaj ajo s’mund të ishte më “nëna e rreptë”.
“Kur fëmija rritet, ty të duhet të zhvillosh një tjetër marrëdhënie me to. Ato nuk u kthyen në shtëpi për të ndjekur të ndjekur të njëjtat rregulla që lanë. As unë nuk dua ta bëjnë këtë sepse s’dua t’i cënoj pavarësinë. Erdhën të vajza të rritura dhe bashkëbisedimet tona i ngjajnë më shumë disa bisedave mes bashkëmoshatarëve sesa atyre nënë-bijë.”- tregoi ajo.
