Për shumicën prej nesh, krahasimi i vetvetes me të tjerët është pjesë e jona. Kur ishim të vegjël, prindërit tanë na krahasonin me vëllezërit apo motrat, pastaj teksa rritemi ne i bëjmë vetë krahasimet më të tjerët. Por vjen një moment në jetë kur të krahasosh veten me të tjerët nuk të shërben më. Nëse do të bëni punën tuaj më të mirë dhe do të shpalosni aftësitë tuaja unike në këtë jetë, thjesht nuk mund të shqetësoheni se si jeni në krahasim me të tjerët.
Krahasimi i vetes me të tjerët u lejon atyre të drejtojnë sjelljen tonë. Ky lloj krahasimi është mes jush dhe dikujt tjetër. Ndonjëherë ka të bëjë me diçka gjenetike, si dëshira për të qenë më i gjatë, por më shpesh ka të bëjë me diçka që personi tjetër është i aftë të bëjë që ne dëshirojmë ta bëjmë edhe vetë. Ndoshta dikush shkruan raporte më të mira se ju, dhe ndoshta dikush tjetër ka një marrëdhënie më të lumtur me partnerin sesa ju. Ndonjëherë ky krahasim është motivues dhe ndonjëherë është shkatërrues.
Kur e krahasojmë veten me të tjerët, ne shpesh po krahasojmë tiparet e tyre më të mira me ato mesataret tona. Është si të jesh djathtas dhe të përpiqesh të luash një instrument me dorën e majtë. Krahasimet mes njerëzve janë një rrugë e sigurt për pakënaqësi. Jo vetëm ne jemi të pakënaqur, por edhe të tjerët janë gjithashtu. Ata ndoshta po e krahasojnë veten me ju – ndoshta ju jeni më të mirë se ata dhe ata janë xhelozë. Në rastin më të keq, kur e krahasojmë veten me të tjerët, përfundojmë duke e përqendruar energjinë tonë në uljen e tyre në vend që të ngremë veten.
Ka një gjë në të cilën je më i mirë se njerëzit e tjerë: të jesh ti. Kjo është e vetmja lojë që mund të fitoni vërtet.
Kur filloni me këtë mentalitet, bota fillon të duket përsëri më mirë. Nuk jeni më të fokusuar në vendin ku qëndroni në krahasim me të tjerët. Në vend të kësaj, fokusi dhe energjia juaj vendosen në atë që jeni në gjendje të bëni tani dhe si mund të përmirësoni veten. Qëllimi i jetës bëhet për të qenë një version më i mirë i vetes. Dhe kur kjo ndodh, përpjekja dhe energjia juaj shkojnë drejt përmirësimit të sistemit tuaj personal çdo ditë, duke mos u shqetësuar për atë që po bëjnë kolegët tuaj. Bëheni më të lumtur, të lirë nga prangat e krahasimeve të rreme dhe të fokusuar në momentin aktual.
