Më datën 20 shkurt, moderatorja e njohur Elita Rudi dhe reperi Gjiko u bënë prindër për herë të parë të një vogëlushi që vendosën ta quanin Zëri.
Mirëpo emri i djalit të dyshes shkaktoi reagime të shumta nga ndjekësit në llogaritë e tyre përkatëse në Instagram, të cilët komentonin se kur të rritet Zëri, do e tallin.
Dhe duket se ata nuk dinë të ndalen…vazhdojnë dhe vazhdojnë të komentojnë!
Ditën e djeshme Elita publikoi 3 foto ku shfaqej me Zërin në krah, ndërkohë na tërhoqi vëmendjen një koment i tillë: “Paramendo kur t’rritet edhe pak kur t’i thonë: O Zëri lëshoja zërin televizorit.”
Por moderatorja bukuroshe duket se tashmë e ka gjetur një përgjigje dhe e ka në majë të gjuhës kur vjen puna tek komentimi i emrit të vogëlushit: “Edhe Erës i thonë shumë po fryn era, edhe Borës i thonë shumë po bie borë, edhe Malit i thonë a po ikim në mal etj.”
Pra me pak fjalë, ajo çka ka dashur të thotë Elita është: qetësohuni njerëz! Emri “Zëri” nuk është as i pari dhe as i fundit që ka një konotacion të caktuar.
