Sonte, më 27 dhjetor, do të zhvillohet nata e parë e “Festivalit të Këngës”, në “Radio Televizionin Shqiptar”, që do të mbahet në Pallatin e Kongreseve, ashtu si cdo vit.
Tashmë, është bërë me dije se drejtimi artistik i festivalit i është besuar kantautorit Elton Deda, ndërsa prezantimi është marrë përsipër nga këngëtari dhe moderatori Ardit Gjebrea, Xhemi Shehu, Jonida Maliqi, Isli Islami dhe Kelvi Kadilli.
Pak para nisjes së natës së parë të festivalit, “News31” ka bërë me dije se cilët do të jenë emrat e anëtarëve të jurisë së festivalit, në këtë edicion, pjesë e të cilës do të jenë tekstshkrues, këngëtarë e kompozitorë, etj.
Konkretisht, në juri do të jenë emra të mirënjohur si:
Olti Curri
Rozana Radi
Anxhela Peristeri
Luan Zhegu
Agim Doçi
Anxhela Faber
Olsa Thaqi
Nata e parë do të përfshijë 20 këngëtarët konkurrentë, nata e dytë do t’i dedikohet nostalgjisë, me çdo emër që ka lënë gjurmë në këtë festival në 60 vjet histori dhe nata e tretë, 29 dhjetor, do të jetë e përshtatur sipas formatit të “Eurovisionit”, për të përcaktuar kështu edhe fituesin.
Netët e Festivalit do të ndiqen nga publiku, me numër të kufizuar, ndërkohë që do të kërkohet certifikata e vaksinimit dhe tamponi negativ.
