Me ardhjen e pushimeve të gjithë mendojë se cilat destinacione do të vizitojnë. Këto janë disa nga vendet e listuara nga mediat ndërkombëtare si ideale për këtë vit:
Poloni
Janë disa destinacione të reja në Poloni që mund të vizitohen gjatë këtij viti si Hotel Verte, prona e re e Autograph Collection në Varshavë, e cila hapi dyert e saj për vizitorët në muajin gusht. Arsyeja pse duhet të vizitoni Poloninë në vitin 2023 është për të treguar edhe solidaritet me një vend i cili ka qenë shumë pranë Ukrainës.
Australi
Më 23 Prill të këtij viti një eklips i plotë diellor do të jetë i dukshëm në skajin veriperëndimor të Australisë. Do të ketë platforma në natyrë ku spektatorët mund të shikojnë këtë mrekulli me syze mbrojtëse ndërsa janë parashikuar disa shfaqje muzikore.
Liverpool
Qyteti port i Anglisë, Liverpool i njohur në mbarë botën si vendlindja e The Beatles, po shton një tjetër kapitull të trashëgimisë së tij muzike. Është një vend ku dashamirësit e historisë dhe shopaholistët jetojnë në harmoni.
Charleston
Charleston prezanton të kaluarën dhe historinë si asnjë qytet tjetër në SHBA. Muzeu ndërkombëtar afrikano amerikan ka premtuar hapjen e tij për vitin 2023. Muzeu do të jetë i vendosur pranë lumit Cooper, në vendin ku shumë afrikanë shkelën për herë të parë në Amerikën e Veriut.
Vilnius, Lituani
Vilnius bëri një fushatë reklamimi këtë vit pasi askush nuk e dinte ku ndodhej, Video bëri shumë turistë të rezervonin menjëherë një udhëtim atje. Këtë vit ai do të festojë 700 vjetorin e tij me datë 25 Janar. Për të shënuar këtë moment historik është parashikuar një program që do të zgjasë gjatë gjithë vitit duke përfshirë festivale dhe ekspozita muzikore.
