Çfarë kanë të përbashkët siguria financiare apo një trup në formë? Pa disiplinë, nuk do të arrini asnjërën.
Disiplina është ngjitësi që mban të bashkuar blloqet ndërtuese të arritjeve tuaja.
Ekziston vetëm një problem – për të ndërtuar disiplinë, keni nevojë për disiplinë.
Warren Buffett nuk duhet të bindë veten të lexojë 500 faqe në ditë, ai e bën këtë sepse kjo është ajo që bëjnë investitorët e suksesshëm.
Tom Brady nuk ka pse të bindë veten të stërvitet në palestër dhe në fushë, ai e bën këtë sepse këtë bëjnë futbollistët.
Papa nuk ka pse të bindë veten që të lutet për orë të tëra, sepse … mirë, besoj e kuptoni idenë.
Kur adoptoni një identitet të ri, sjelljet e lidhura bëhen natyrë e dytë dhe anasjelltas. Pra, si e ndryshoni identitetin tuaj?
Sa më shpesh të merrni rrugën e vështirë, aq më shumë e shihni veten si një person të disiplinuar dhe aq më lehtë do të jetë të përballeni me sfida më të mëdha. Çdo arritje që lidhet me disiplinën, nga marrja e shkallëve në vend të ashensorit te leximi i një libri edhe pse jeni i lodhur, përfaqëson një biskotë. Kur ndiheni sikur nuk mund të shkoni në palestër ose të bëni punë shtesë, “biskotat” tuaja të vogla të zakonit ju kujtojnë se po, jeni mjaft të disiplinuar për ta bërë atë.
Një hap i vogël është gjithçka që duhet.
Ndryshimi i identitetit tuaj është i lehtë pasi ka shumë mundësi për të ndërtuar disiplinën e nevojshme çdo ditë si psh:
-Bëni një dush të ftohtë për tre sekonda
-Hiqni dorë nga sheqeri në kafenë tuaj
-Shkoni në punë pesë minuta më herët ose qëndroni pesë minuta vonë
-Fikni WiFi tuaj dhe mos e kontrolloni telefonin tuaj për disa orë
-Merrni shkallët në vend të ashensorit
-Lexoni një faqe të një libri para gjumit
Pavarësisht se kush jeni, të gjitha këto janë të realizueshme. Edhe nëse i urreni dushet e ftohta, mund t’i mbijetoni çdo gjëje për tre sekonda. Sa herë që vononi kënaqësinë, ndërtoni disiplinë.
Jo vetëm kaq, por ju gjithashtu rritni vetëbesimin tuaj sepse ju ndiqni fjalët tuaja, sfidoni veten dhe rriteni më të fortë, çdo ditë. Kjo mund të ndryshojë jetën tuaj në planin afatgjatë.
