Albi Dhima ishte një nga konkurrentët më të përfolur nga sezoni i fundit i “Përputhen”, sidomos për marrëdhënien e trazuar me Alesian, konkurrenten tjetër.
Por mbas mbarimit të emisionit, fati i buzëqeshi Albit pasi së fundmi na prezantoi me të dashurën e tij bukuroshe. Menjëherë pas postimit ai mori urime të shumta.
Albi më në fund ja bëri “bam”, ai është fejuar me të dashurën e tij pasi ka postuar foto nga ceremonia në rrjetet sociale disa javë pasi e bëri publike lidhjen e tij.
Në foto shihet dyshja në një ambient me lule të bardha. Në tabelë shkruhet: “Fejesa e Albit dhe Hyries”.
Kujtojmë se në një bisedë virtuale me ndjekësit e tij, Albi u shpreh se ndihej mjaft me fat dhe i lumtur për personin që kishte në krahë.
Ai gjithashtu u pyet për marrëdhënien e tij me konkurrentin tjetër, Bashkimin, me të cilën ai pati krijuar një miqësi. Duke qenë se nuk janë parë bashkë kohët e fundit ai u pyet nëse miqësia e tyre vazhdon akoma dhe Albi sqaroi se ata janë në kontakt akoma por angazhimet e ndryshme i kanë mbajtur larg.
“Ndarja” e tij nga Alesia shkaktoi mjaft zhurmë dhe madje ajo e akuzoi Albin për një të shkuar të errët.
“Meqë kam marrë shumë mesazhe lidhur me të kaluarën time për të cilën u hodhën shumë dyshime të pabaza nga vajza në fjalë, dua t’ju them që e kaluara ime është e pastër dhe pa asnjë precedent. Por ishte e vetmja mënyrë për të manipuluar situatën të cilën vet ajo e krijoin dhe tentoi në atë formë të dilte e larë duke hedhur baltë mbi mua. Gjithësesi koha do të flas për të kaluarat dhe të tashmet e gjithësecilit nga ne”- ishte përgjigjja nga Albi.
