Nëse e keni ndjekur familjen Kardashian vitet e fundit, duhet ta keni njohur Stephanie Shepherd-in, asistenten e Kim-it. Në fakt, kështu e nisi për t’u kthyer në menaxheren e të gjitha markave të familjes Kardashian, si aplikacioni i ikonave për mesazhet telefonike Kimoji apo linjën e rrobave për fëmijë.
Ajo është e re, plot energji dhe mbi të gjitha plot vullnet për t’i çuar gjërat deri në fund: tamam si Kim Kardashian-i dikur, kur ishte asistentja e Paris Hilton-it.
Stephanie ka tashmë fansat e saj, që e njohin dhe e admirojnë. Në “Instagram” ka 686 mijë ndjekës dhe poston foto me motrat Kardashian (Kourtney-n e quan “gruaja ime”), por edhe veshjet dhe stilin e vet të jetesës.
Është e gjatë, brune, e pashme, dhe me gjithë këtë personalitet që ka, nuk do të çuditeshim sikur një ditë të kthehej në një yll interneti. Ja 9 gjërat që duhet të dini për të:
1.Ajo filloi karrierën e saj si kërcimtare, fillimisht e pavarur, më pas si kërcimtare rezervë për Pitbull.
2.Ajo e takoi Kim përmes një prej pjesëtareve të grupit “Pussycat Doll”, saktësisht Robin Antin, e cila e pyeti nëse interesohej të ndihmonte shoqen e saj, Kim Kardashian. Kaq ishte!
3.Ajo bëri dy intervista para se të merrte vendin e punës. Fillimisht u takua me ndihmësen e Kris Jenner. Pastaj, ajo u takua direkt me Kim-in në shtëpinë e saj.
“Kim ishte pa makijazh dhe ishte shtatzënë me North. Ajo më tha: “Shiko Robin të ka shumë qejf dhe ka thënë shumë fjalë të mira për ty. Kjo është ajo që më intereson. E bën dot?”. Rastësisht ne i kishim të dyja flokët gërshet. Kim më vonë më tha se ajo kishte menduar atë ditë, “Kjo vajzë ka energji pozitive dhe një gërshetë. Më ngjiti!”. Ajo filloi punë të nesërmen.
4.Ajo bënte gjithçka, nga vendosjen e lavatriçeve, prenotimin e udhëtimeve, sistemimin e valixheve. Por tani puna është lehtësua, pasi Kim punësoi dy dado dhe një ndihmëse-asistente.
5.Ajo tashmë merret me punë më të rëndësishme: si mbikëqyrjen e dizajnit të “Kimoji”.
6.Ajo filmon pamjet më personale nga “Keeping Up With the Kardashians”.
7.Ajo nuk ka qenë e lidhur me askënd për 2 vite. “Thjesht nuk kam pasur kohë”, ka thënë ajo.
8.Kourtney Kardashian nuk e pëlqeu atë në fillim, por tani njerëzit mendojnë se janë një çift. Shepherd pranoi se ajo dhe Kourtney “nuk ishin fare të ngushta kur nisi punën”. “Njerëzit gjithmonë mendojnë se jemi lesbike, sepse ne jemi gjithmonë së bashku ose shihemi për dore, ose se unë jam Kourtney, mendoj sepse ne dukemi njësoj dhe kemi stil të ngjashëm”, thotë ajo.
9.Ajo dhe Kim i shkruajnë njëra-tjetrës gjithë kohës. “Nga momenti kur zgjohemi dhe derisa shtrihemi për të fjetur”, thotë Shepherd.
Burimi: Elle
