Jada Pinkett Smith komentoi shuplakën e famshme të Oscars që përfshin bashkëshortin e saj Will Smith dhe komedianin Chris Rock, duke ndarë mendimet e saj për miqësinë e tyre dhe pse mendon se është e rëndësishme që ata të pajtohen.
“Këta dy burra inteligjentë dhe të aftë kanë një mundësi për t’u shëruar, për të folur dhe për t’u pajtuar,” shpjegoi aktorja gjatë një episodi të fundit të serisë së Facebook Watch “Red Table Talk”.
Jada diskutoi gjendjen e saj të rënies së flokëve, të cilin Chris Rock e përdori për shaka gjatë Oscars dhe shkaktoi incidentin mes dy yjeve.
“Ky është një “Red Table Talk” vërtet i rëndësishëm për alopecinë. Duke marrë parasysh atë që kam kaluar me shëndetin tim dhe atë që ndodhi në Oscar, mijëra më kanë kontaktuar me historitë e tyre,” tha Jada.
“Po e përdor këtë moment për t’i dhënë familjes sonë të alopecisë një mundësi për të folur se si është të kesh këtë gjendje dhe të informosh njerëzit se çfarë është në të vërtetë alopecia.”
Ajo vazhdoi duke thënë se Will dhe Chris ende mund të punojnë në miqësinë e tyre.
“Gjendja e botës sot, ne kemi nevojë për ata të dy,” vazhdoi ajo.
“Dhe ne të gjithë në fakt kemi nevojë për njëri-tjetrin më shumë se kurrë. Deri atëherë, Will dhe unë po vazhdojmë të bëjmë atë që kemi bërë për 28 vitet e fundit, dhe kjo është të vazhdojmë të kuptojmë këtë gjë që quhet jetesë së bashku.”
