Dje, krahasimi i veshjes së Jennifer Lopez në Met Gala me veshjen e Oriola Marashit në një shërbim të mëparshëm fotografik, u bë lajmi i ditës.
E ndërsa nuk është aspak e pabesueshme që një vajzë shqiptare ta ketë veshur diçka përpara yjeve të Hollywood-it, Oriola Marashi sqaroi se në fakt, as ajo dhe as Jennifer Lopez nuk e kanë shpikur trendin e skufjes me rruaza që varen.
“Çdo gjë bëjmë ne sot, Cher e ka bërë 20 vite më parë”, shkroi Oriola, “Megjithatë, unë e bëra përpara J. Lo”.
E në fakt, Cher ka qenë një frymëzim i madh për disa nga look-et më të përfolura të Met Galasë gjatë viteve të fundit, si përshembull fustani i Kim Kardashian në Met Galanë e 2015-ës.
Gjithashtu, Cher frymëzoi edhe fustanin dhe krahëzat në vesh të Emily Ratajkowski në galanë e këtij viti.
