Rastësia, mbreti i botës!
Këngëtarja shqiptare Ronela Hajati dhe diva e muzikës botërore Jennifer Lopez, kanë bërë “Xing” me videoklipet e tyre.
Më 21 Prill, këngëtarja Ronela Hajati publikoi klipin e saj më të ri me titull “Maje Men”. Si gjithmonë, Hajati shfaqet me një stil tejet ekstravagant.
Sakaq, Jennifer Lopez publikoi sot këngën “El Anillo”, një këngë me tinguj latine.
Por mesa duket se dy këngëtaret kanë qënë në një mendje, për disa nga skenat e xhiruara për klipet e tyre.
Të dyja këngëtaret, shfaqen me të njëjtën pamje në fund të videokipit, dy princesha akulli me flokë të bardhë.
Por jo vetëm kaq, edhe kërcimi me duar është njëlloj! Pa harruar faktin se të dyja shfaqen si perëndesha gjatë gjithë klipit.
Këngëtarja shqiptare Ronela Hajati shfaqet e lumtur se zgjodhi ta publikoj videon ditë më parë, ndryshe të gjithë do e akuzonin se është frymëzuar nga Lopez.
“Mirë që e nxorrëm klipin para J.Lo se do thonin që e kopjova pastaj”, shkruan Ronela.
