Luftimet u ndezën në dy fronte me Izraelin, i cili synoi “qendrën komanduese” të Hezbollahut në kryeqytetin libanez, ndërsa në Gaza u raportua për 73 të vrarë në një sulm ajror.
Sulmet në bastionin jugor të Hezbollahut në Bejrut erdhën pasi kryeministri izraelit, Benjamin Netanyahu akuzoi grupin e mbështetur nga Irani se tentoi ta vriste atë duke synuar rezidencën e tij.
Ndërkohë, agjencia e mbrojtjes civile e Gazës tha se një sulm ajror në një zonë të banuar vrau të paktën 73 palestinezë në Beit Lahia në veri të territorit, shkruan yahoonews.
“Ekuipazhet tona të mbrojtjes civile gjetën 73 të vrarë dhe një numër të madh të plagosurish si rezultat i forcave ajrore izraelite që synonin një zonë banimi në Beit Lahia në Gazën veriore”, tha zëdhënësi i agjencisë së mbrojtjes civile.
Ushtria izraelite deklaroi se goditi një “objektiv terrorist të Hamasit”.
Gjithashtu, ajo tha se vazhdon të operojë në pjesët veriore, qendrore dhe jugore të Gazës.
