Reperi, Stresi ka bërë një tjetër reagim në rrjete sociale lidhur me sherrin e bujshëm në Pejë, për të cilën ai është shpallur në kërkim, ndërsa Noizy dhe DJ i tij janë lënë në arrest me burg dhe pritet të ekstradohen.
Në një postim në Instagram, ai përsërit se nuk ka asnjë provë që ata kanë ushtruar dhunë ndaj Medi Isenit, ndërsa thekson se për ngjarjen nuk është marrë asnjë dëshmitar në pyetje. Sipas tij e gjitha po bëhet për t’i hedhur baltë figurës së tyre.
Dje Gjykata e Tiranës ka caktuar masën “arrest në burg” për Noizyn dhe për Bahtjar Bajraktarin, mikun e tij. Vendimi është marrë me qëllim ekstradimin e tyre drejt Kosovës. Ata u arrestuan në Lezhë dhe me kërkesë të autoriteteve të Kosovës, akuzohen së bashkë me disa persona të tjerë kanë dhunuar Muhamet Isenin, një personazh të “TikTok”-ut. Ngjarja ka ndodhur pas përfundimit të një koncerti në Pejë pak ditë më parë. (Lexo këtu)
