Sipas autoriteteve të Mbrojtjes Civile, në Itali gjatë 24 orëve të fundit janë shënuar 619 viktima nga koronavirusi, 49 më shumë se një ditë më parë.
Në këtë mënyrë, numri total i viktimave që nga fillimi i pandemisë ka shkuar në 19468 persona.
Numri i të shëruarve ditën e sotme është rritur krahasuar me një ditë më parë dhe në 24 orët e fundit virusin e kanë mposhtur 2079, një total prej 32534 personash.
Autoritetet raportuan edhe për 4,694 raste të reja pozitiv nga Covid-19, 743 më shumë sesa dje, për një total që nga fillimi i pandemisë prej 152 271.
Lombardia vazhdon të jetë zona më problematike dhe në 24 orët e fundit janë regjistruar 273 të vdekur dhe 1,554 raste të reja.
