Çmimin e parë në festivalin e këngës “Eurovision 2021” e rrëmbeu sonte Italia, e cila u përfaqësua nga grupi “Maneskin” me këngën “Zitti e buoni”.
Italia (524 pikë) ishte në një garë të fortë me Francën (499 pikë) dhe Zvicrën (432 pikë), të cilat u renditën përkatësisht në vendin e dytë dhe të tretë.
View this post on Instagram
Zvicra u përfaqësua nga shqiptari Gjon Muharremaj, i cili i mrekulloi të gjithë me vokalin e tij.
Shqipëria, e përfaqësuar denjësisht nga Anxhela Peristeri me këngën “Karma” u rendit në vendin e 21-të me 57 pikë.
Këngëtarja bëri mal zemrat e shqiptarëve dhe dhuroi një spektakël të vërtetë me këngën e shkruar nga Olti Curri dhe kompozuar nga Kledi Bahiti.
View this post on Instagram
Megjithëse nuk arriti të rrëmbente çmimet e para, Shqipëria ia doli të futej në finale e të vlerësohej si një prej këngëve më të mira, ndërsa veshja e Peristerit u krahasua me atë të divës botërore, Beyonce-s.
Vitin që vjen, festivali “Eurovision 2022” do të mbahet në vendin fqinj, Itali, ndaj kjo është një mundësi e mirë për t’i parë performancat nga afër, pasi një pjesë e jona me siguri do ta vizitojë vendin gjatë “Eurovision-it”.
