Ndërsa numri i personave që kanë ndërruar jetë nga Koronavirusi ka kaluar në mbi 2400, Italia po përballet me urgjencën e parë të vërtetë të lidhur me Covid-19, virusi që është përhapur në të gjithë botën që nga fillimi i vitit.
132 persona (përfshirë dy të vdekur dhe një rast i shëruar) janë prekur në vendin fqinj në pesë rajone, sipas informacioneve të fundit nga kreu i mbrojtjes civile Angelo Borrelli.
Për momentin, 26 persona janë shtruar në spital në kujdesin intensiv, gati 20% e totalit. Në Lombardi është numri më i madh i të infektuarve, siç u komunikua nga Presidenti i Rajonit Attilio Fontana, deri në 89 të infektuar.
Panik është përhapur në Lombardi, Veneto, Emilia Romagna, Lazio dhe Piemonte, nga përhapja e virusit.
Rasti i fundit është ai i një studenti 17-vjeçar që banon në Valtellina, i cili studion në institutin bujqësor të Codogno.
Djali është një nga rastet e para në të cilat infeksioni ndodh nën moshën mesatare.
Ndërkohë shkollat janë mbyllur në Veneto dhe janë pezulluar edhe karnavalet e Venecias dhe të gjitha ngjarjet sportive deri në 1 mars. Të gjitha shkollat janë mbyllur në Piemonte.
/Corriere.it
