Eddie Redmayne fitoi vlerësimin e kritikëve dhe një nominim për Oskar për performancën e tij si piktore Lili Elbe, një nga personat e parë që kryen operacionin e ndryshimit të gjinisë, në 2015-ën, në filmin “The Danish Girl”. Por, përzgjedhja e aktorit si një grua trans ka shkaktuar gjithashtu kritika dhe në një intervistë të re me Sunday Times, ai thotë se nuk do ta merrte rolin nëse do t’i ofrohej sot.
“Jo, nuk do ta merrja përsipër tani.E bëra atë film me qëllimet më të mira, por mendoj se ishte një gabim”, tha ylli britanik.
Që kur The Danish Girl u shfaq në kinema, debate rreth aktorëve të ‘straight’, cisgjinorë që luajnë personazhe LBGTQ+ ka ndryshuar. Shumë janë të mendimit që aktorët transgjinorë, të cilët zakonisht kanë shumë më pak mundësi në ekran, të jenë të vetmit që luajnë personazhe trans. Redmayne tani beson se një aktor trans duhet të kishte pasur mundësinë të luante në The Danish Girl.
Megjithatë, pasi dëgjoi se filmi i mirënjohur – i cili debutoi në kinema në nëntor 2015 – ka të ngjarë të mos ishte prodhuar pa aktorin e Fantastic Beasts, ai foli për çështjet më të mëdha.
“Diskutimi më i madh rreth zhgënjimeve rreth përzgjedhjes së aktorëve është sepse shumë njerëz nuk kanë një karrige në tavolinë. Duhet të ketë një nivelim, përndryshe ne do të vazhdojmë me këto debate”, tha Redmayne.
