Elhaida Dani ka publikuar projektin më të fundit muzikor.
Prej disa kohësh ajo kishte paralajmëruar me postimet e saj në Instagram, ndërsa tashmë ka ardhur momenti i duhur.
Elhaida Dani ka prezantuar për publikun klipin e saj të ri me titull: “Let it go”.
Ky klip vjen në bashkëpunim me këngëtarin australian Nathaniel, i njohur për pjesmarrjen e tij në “X Factor Australia”.
“Më në fund “Let It Go” është publikuar! Uroj ta pëlqeni”, shkruan këngëtarja shqiptare në Instagram.
Kënga është një baladë dhe dy këngëtarët e prezantuan duetin pak kohë më parë:
“Yayyyyy !!!! Kjo tregon që tashmë bota është kaq e vogël … Nga Kanadaja në Australi krijuam një këngë që e dua shumë dhe mezi pres t’jua tregoj”, shkruante Elhaida pak kohë më parë kur njoftoi publikimin e këngës në tetor.
Epo ky vërtet është një sukses i madh i këngëtares dhe shpresojmë që kënga e re të pëlqehet akoma më shumë.
