Përdoruesve të rrjeteve sociale nuk u shpëton asnjë detaj kur bëhet fjalë për anëtarët e familjes Kardashian.
Së fundmi është përfolur gjatë në rrjet një foto e Khloe Kardashian e cila është fotografuar e veshur me një palë atlete “Yeezy 350” të markë së Kanye West.
Ylli televiziv ishte veshur sportive, bashkë me atletet në fjalë, teksa po merrte vajzën e saj True nga një kurs. Kjo dalje e saj erdhi disa ditë pasi reagoi për komentet antisemitike të ish-kunatit të saj.
Ndërsa asnjë anëtare e familjes Kardashian-Jenner nuk u shpreh publikisht për sjelljen e tij, 38-vjeçarja Khloé ishte e para që postoi një deklaratë në rrjetet sociale duke dënuar antisemitizmin.
“Unë mbështes miqtë e mi hebrenj dhe popullin hebre”, shkroi Kardashian.
Ndërsa Kim Kardashian, e cila ka fëmijët North, Saint, Chicago dhe Psalm me Ye, reagoi pas motrës së saj gjithashtu në Instagram, duke shkruar, “Gjuha e urrejtjes nuk është kurrë në rregull ose e justifikueshme”.
Ajo shtoi: “Unë qëndroj së bashku me komunitetin hebre dhe i bëj thirrje dhunës së tmerrshme dhe retorikës së urrejtjes ndaj tyre që të marrë fund të menjëhershëm.”
Kujtojmë që edhe “Adidas”, “Balenciaga”, “Vogue”, “Gap” dhe “Creative Talent Agency” kanë ndërprerë partneritetin me reperin për shkak të komenteve antisemitike të kohëve të fundit.
