Fakti që janë personazhe të njohur publik i vendos ata përballë komenteve të shumta.
Mirëpo përpos komenteve pozitive, me shumicë janë edhe ato negativet kundrejt artistëve tanë.
Së fundmi Filloreta Raçi e njohur si Fifi shumë e tmerruar ka ndarë në Instastoryn e saj një koment që ka marrë nga një ndjekës i saj. Fakti që ata janë persona të ndjekur, nuk do të thotë që mund të durojnë çfarëdo komenti.
Personi në fjalë i ka shkruar këngëtares duke u lutur që Serbia ta pushtojë Kosovën.
“Dhe ja pra miq, e nis një super dite dhe vjen një koment i tillë…sa i ligë duhet të jesh t’ i urosh fatkeqësi dikujt. Sa i ligë duhet të jesh që t’i urosh hyrjen e armikut në konak dhe po flasim për të njëjtit që na shkatërruan emocionalisht, ekonomikisht, psikologjikisht, na vranë e na përdhunuan e na masakruan….na lanë mbrapa në çdo aspekt. E sikur ky komenti kam marrë edhe disa të tjerë të cilat nuk e di pse nuk i kom nxjerr ma herët. Më vjen keq që bëhemi bashkë veç kur ka ndeshje futbolli, bëhemi patriotë veç kur bëhet gol”, shkruan Fifi.
Kujtojmë që këtë periudhë Fifi ka publikuar disa projekte muzikore rresht, ndërsa nga çështjet e zemrës vazhdon të jetë e lumtur me partnerin e saj Adisin.
