Këngëtarja e njohur, Anne-Marie ka treguar se gjatë jetës së saj ka luftuar për të pranuar pamjen e saj, aq sa ka dashur që të ndryshojë atë me pilula të rrezikshme në internet.
Së fundmi ajo ka shkruar një libër të ri, “Ti meriton më mirë”, për të ndihmuar lexuesit të kapërcejnë pasiguritë e tyre, në të cilin ajo ka kujtuar “betejat” e saj të jetës.
Kur ishte 16 vjeç, ajo tha se pesha e saj filloi të binte.
“Ndalova së ngrëni siç duhet. Unë u bëra vërtetë e dobët – jo e shëndetshme”, shkruan Anne-Marie në librin e saj.
Ashtu siç e bën të ditur vetë ajo, në moshën 22 -vjeçare artistja filloi të përdorte pilula nga interneti në përpjekje për të shtuar peshë kur shkoi në turne me Rudimental.
“Isha e fiksuar pas të qenit e hollë, por fillova të vërej se vajzat që i konsideronin tërheqëse ishin të mbushuara. Sigurisht, unë e ndryshova plotësisht pamjen time brenda natës. Fillova të blija pilula nga interneti që më bënë të shtoja në peshë. Ishte qesharake dhe e rrezikshme”, shkruan ajo.
Pas publikimit të albumit të saj debutues “Speak Your Mind” në 2018, ajo ka treguar se shkoi për t’u këshilluar me një terapiste të sjelljes.
“Isha aq e trishtuar sa nuk mund të qaja. Shkova te një terapiste për herë të parë. Ajo më tha se isha në prag të një shkatërrimi të plotë dhe se isha në depresion të madh. Ndalova së punuari për pak dhe qëndrova në shtëpi”, u shpreh kënëgtarja.
Në këtë libër, Anne-Marie rrëfen se vazhdoi të këshillohej me terapisten, e cila e ndihmoi në ndryshimin e jetën së saj për mirë dhe tani ka zgjedhur që këshillat e saj do t’i ndajë me të gjithë lexuesit për të përballuar sfidat.
