LeBron James drejtoi homazhet për legjendën e LA Lakers, Kobe Bryant, në ndeshjen e parë të skuadrës, pasi kampioni humbi jetën në një aksident me helikopter, së bashku me vajzën e tij Gianna dhe shtatë persona të tjerë.
Lakers humbën 127-119 në Portland Trail Blazers në Staples Center, e megjithatë kjo natë do të mbahet mend si dita kur ekipi kujtoi karrierën 20-vjeçare të Bryant në LA.
https://www.instagram.com/p/B8A6TWNnRlT/
Lojtarët e Lakers veshën bluza me numrat e Bryant – 8 dhe 24 – dhe një logo ‘KB’.
Këngëtari i muzikës R&B Usher këndoi “Amazing Grace” duke i përlotur të pranishmit.
Numri 24 i Kobe dhe fanella numër 2 e vajzës së tij Gianna u vendosën gjithashtu në dy vendet ku dyshja ndoqi lojën e fundit të Lakers.
“Ky është një festim i 20 viteve djersë, lot, rrëzimit dhe ngritjes në këmbë”, tha James përpara ndeshjes.
“Sot do të festojmë atë fëmijën që erdhi këtu kur ishte 18 vjeç, doli në pension në moshën 38-vjeçare dhe u bë babai më i mirë që kishim parë në këto 3 vite”, vijoi ai.
Bryant, i cili doli në pension në vitin 2016, po shkonte në praktikën e basketbollit të vajzës së tij 13-vjeçare, kur incidenti ndodhi në Calabasas, California në 26 janar.
41-vjeçari la pas bashkëshorten, Vanessa dhe 3 vajza, më e vogla prej të cilave erdhi në jetë në muajin qershor.
https://www.instagram.com/p/B8BMabSlqvP/
