“Big Brother Vip Kosova” ka bërë tashmë të ditur datën e fillimit të edicionit të tij të parë. 5 DHJETOR-i – është data kur do të nisë reality-show i shumëpritur.
Që kur u konfirmua se formati i suksesshëm do të transmetohej edhe në Kosovë, i madh ka qenë interesi për të mësuar mbi personazhet që do të jenë pjesë e këtij edicioni të parë.
Disa ditë më parë u përfolën reperi Getinjo dhe këngëtari Art Abazi si konkurrentët e parë që do t’i bashkoheshin kësaj aventure, mirëpo nuk vonoi shumë dhe dy djemtë i hodhën poshtë këto lajme.
Së fundmi një tjetër emër po përflitet se do të marrë pjesë në “BBV Kosova”. Bëhet fjalë për Xhuli Nuran, ish-miss Kosovën e cila prej kohësh ishte zhdukur nga vëmendja mediatike që pas skandalit seksual që i bëri ish-partneri. Kanë qenë burime për “IndeksOnline” që janë shprehur se Xhuli do të jetë pjesë e reality-show-t.
Kujtojmë që më herët vetë ish-miss-i tregoi në një intervistë mbi shandazhin që ish i dashuri i bëri asokohë para se t’i publikonte videot intime. Ajo ndër të tjera u shpreh se kjo situatë ndikoi shumë rëndë në shëndetin e saj mendor.
“Është gjë shumë e bukur kur dy njerëz duhen dhe kryejnë marrëdhënie seksuale. Gjëja që nuk duhet të bëhet është të shantazhohet dhe të merret një gjë intime sikur mu morë mua dhe të shantazhohesh që 20 mijë euro duhet me m’i sjell ose të publikohet videoja ku ti je nudo.
Unë me rastin tim kam shpëtuar shumë gra. Unë e kam shëruar veten 5-6 vite. Për 5-6 vite nuk kam dashur me ditë për asgjë. Kam punuar me veten. Unë s’kam pasur shumë mbështetje, për shkak të mentalitetit”, shprehej asokohe ish-miss-i.
