Në sezonin e parë të “Big Brother VIP Kosova” ajo ishte konkurrente për çmimin e madh, ndërsa tashmë do ta shohim në një tjetër pozicion, po në të njëjtin reality show.
Faqja zyrtare e BBVK ka bërë me dije se Mbresa do të jetë tashmë drejtuese e forumit “Big Talk Kosova”.
Formati do të funksionojë njësoj si forumet e BBV në Shqipëri. Pas emisionit, opinionistë, familjarë të konkurrentëve apo ish-familjarë do të mblidhen për të diskutuar temat më të nxehta të reality-show dhe ngjarjet e fundit që do të ndodhin çdo javë.
Publiku e ka pritur mirë zgjedhjen e Mbresës si moderatore e forumit, duke i uruar asaj suksese.
