Një ndër emrat më të lakuar disa muaj më parë nga mediat rozë ka qenë ish-konkurrenti i programit “Për’puthen”, Graciano Merkaj.
I ftuar mbrëmjen e djeshme në emisionin “Why Not” në RTV Ora, ai ka dhënë më shumë detaje nga eksperienca e tij në atë program dhe jo vetëm.
23-vjeçari njihet nga publiku si një person që i thotë gjërat troç dhe si i tillë, mbrëmjen e djeshme ai bëri deklarata të forta.
Gjatë intervistës, ai ka treguar se nuk kanë munguar ngacmimet nga konkurrentët meshkuj në program.
Ndër të tjera, ai deklaroi se jashtë shtetit kishte kryer marrëdhënie seksuale kundrejt një pagese.
Duke mos marrë parasysh paragjykimet, Graciano shtoi se në Shqipëri nuk ja vlen të shesësh veten pasi pagesa që mund të fitosh është shumë herë më e pakët nga pagesa që mund të marrësh në vendet europiane.
“Këtu nuk ka lek, ke të bësh me shtetin për çdo gjë. Andej janë pagesat më të larta je më i lirë. Nuk ja vlen të shitesh në Shqipëri të flasim realitetin me aq sa paguajnë këtu në krahasim me vendet europiane” – tregoi Graciano.
Sipas tij kishte dhe burra të martuar, të cilët kishin lënë gratë dhe familjen e tyre në Shqipëri dhe shisnin veten jashtë shtetit.
“Andej ka patur shumë shqiptarë që i kam njohur personalisht që bëjnë këtë punë, madje edhe të martuar që lenë gratë këtëj në Shqipëri. Edhe kur vijnë këtëj thonë që bëjmë punë të tjera”– është shprehur 23-vjeçari.
