Eduart Kuçi, 24-vjeçari i njohur nga pjesëmarrja e tij në programin “Përputhen” dhe që aktualisht jeton e punon në Zvicër, është konkurrenti më i ri që i bashkohet shtëpisë së Big Brother VIP Kosova.
Me hyrjen e tij, Eduarti nuk nguroi të shprehë ambicien e tij për të fituar çmimin e madh, duke treguar se është gati për sfidat dhe dinamikat që e presin brenda lojës.
Në momentin e mbërritjes, ai u prit ngrohtësisht nga Burimi, i cili e shoqëroi për të marrë biletën e fatit, një ritual që është kthyer tashmë në pjesë simbolike të spektaklit.
Hyrja e Eduartit pritet të sjellë një frymë të re në shtëpi.
