Ajo pritej që të martohej me Princ Harry-n, por u ndan në 2014-n. Cressida Bonas nuk është një emër aq i njohur sa Meghan Markle, por mori famë në Britaninë e Madhe pas historisë së dashurisë 2-vjeçare me princin.
Lidhja e tyre ka qenë mjaft publike, saqë njerëzit tani janë kuriozë të dinë se çfarë mendon Cressida për romancën e re të ish-it.
Teksa kanë kaluar disa dita nga shpallja zyrtare e fejesës së Princit Harry dhe aktores Meghan Markle, Bonas ka reaguar përmes një statusi në rrjetet sociale.
Ajo ka postuar një foto në “Instagram”, ku shkruhet: “Nuk ka rëndësi sa i edukuar, i talentuar, i pasur, ose i këndshëm beson se je, në fund të fundit si i trajton njerëzit ka rëndësi”.
Kërcimtarja dhe aktorja 28-vjeçare së fundmi njoftohet se do të marrë pjesë në videoklipin e ri të këngëtarit James Arthur, “Naked”.
Ajo që bie më shumë në sy është fustani i saj i frymëzuar nga ato të nuseve.
Burimi: Daily Mail
