Trashëgimtarja e njohur Paris Hilton ka vendosur të mbajë unazën 2 milionë dollarëshe të fejesës edhe pse u nda nga aktori Chris Zylka.
33-vjeçari propozoi Hilton, 37 vjeç, në janar 2018 me një unazë gjigante diamanti me vlerë 2 milionë dollarë. Gjatë verës, E! News mësoi se dyshja kishte shtyrë përsëri datën e dasmës, e cila fillimisht ishte vendosur për në nëntor.
Edhe pse Zylka ka kërkuar që Paris t’ia kthejë mbrapsht unazën, me të cilën e propozoi në Paris, ajo as nuk e ka ndërmend t’ia kthejë!
Hilton u largua nga fejesa me kokën lart pasi u shpreh se e gjeti veten në një përrallë që i ngjante një rrethi vicioz nga i cili nuk po dilte dot.
“Thjesht ndjej se kur bie në dashuri, unë bie kokë e këmbë. Por kjo romancë ishte si një rreth vicioz. Unë gjithmonë kam qenë e fiksuar me historitë e përrallave dhe mendova se kjo do të ishte përralla ime me fund të lumtur, por me kalimin e kohës kuptova që martesa nuk ishte vendimi i duhur”.
“I uroj Chris më të mirat! Do të doja që një ditë të martohesha dhe të bëja fëmijë, por tani për tani dua të fokusohem te vetja dhe puna ime”, tha Paris pak javë më parë.
Epo me sa duket Paris nuk ka ndërmend të kthejë unazën dhe Chris duhet të mësohet sa më parë me idenë se e humbi atë përgjithmonë.
