Ish-partneri i Khloe Kardashian, Lamar Odom, ditën e djeshme ka shpallur fejesën me partneren e tij të re, Sabrina Parr.
Ai publikoi në llogarinë e tij në Instagram një foto me Sabrina-n, duke treguar se së shpejti ata do të martohen dhe partnerja do të marrë mbiemrin e tij.
“Ju prezantoj me të fejuarën time. Shumë shpejt znj. Parr-Odom. Ajo është e duhura”, shkruante ai në foton ku zbulonte edhe unazën me diamant që mbante në gisht e fejuara e tij.
View this post on Instagram
Introducing my new fiancé!! Soon to be Mrs. Parr-Odom. She the ONE!!!! @getuptoparr
Sigurisht që pas fejesës së papritur të gjithë u bëmë kuriozë të dinim veprimin e Khloe Kardashian dhe më në fund e mësuam.
Një burim i brendshëm i familjes ka treguar për “Us Weekly” se Khloe nuk është surprizuar nga kjo ndodhi.
“Ajo e dëgjoi lajmin e fejesës nga miqtë e përbashkët. Përsa i përket sesi u ndje pas kësaj, ajo është shprehur se i uron atij vetën lumturi. Kapitulli i saj me Lamar ka përfunduar dhe tani është koha për të ecur përpara”, ka treguar ai.
Khloe e ka marrë me sportivitet këtë ngjarje, pasi nga ndarja e saj me Lamar kanë kaluar disa vite.
Lamar ishte i martuar me Khloe Kardashian që prej vitit 2009 deri në vitin 2013.
