Anaidi, ish-fitues i edicionit të 6-të të Big Brother, rrëfeu se shumë shpejt ai do të prezantohet me një projekt në ekran.
I ftuar pasditen e djeshme në Top Channel, ai tha se do të vijë me një emision të ri , ku do ketë edhe rolin e regjisorit.
Pyetjes nëse është single apo në një lidhje, Anaidi pohon se nuk ka të dashur:
“Femra është një përkushtim shumë i madh, së cilës duhet t’i japësh maksimumin që ti mund të nxjerrësh nga vetja. Unë tani nuk kam kohë për këtë”.
Megjithatë ai zbuloi dhe një histori me Oriola Marashin:
“Nuk dua ta komentoj këtë pjesë. Është e vërtetë, kemi dalë publikisht bashkë, por nuk kemi pse të flasim më për njëri-tjetrin, për sa kohë që nuk jemi afër. Unë i uroj suksese, gjithë të mirat në jetë…”
Ndërsa daljet në publik me ish-banoren e këtij edicioni të Big Brother, Armelën, ai i arsyeton vetëm me një shoqëri të mirë mes tyre.
