Një studim i realizuar nga kërkues të Universitetit të Harvardit ka rikthyer vëmendjen tek mënyra se si komunikojmë dhe çfarë tregon kjo për aftësitë tona njohëse. Sipas hulumtimit, personat që përdorin shpesh ironi apo shaka të nënkuptuaramund të kenë një funksionim më kompleks të trurit sesa pjesa tjetër e njerëzve.
Ekipi i studiuesve shpjegon se ironia nuk është thjesht humor. Ajo përfshin një proces të ndërlikuar mendor, ku folësi duhet të mendojë një ide, të thotë të kundërtën dhe njëkohësisht të presë që tjetri ta kuptojë mesazhin e fshehur. Ky “lojë mendore” stimulon zonat e trurit që lidhen me kreativitetin, të menduarit abstrakt dhe zgjidhjen e problemeve.
Për dëgjuesin, situata është po aq sfiduese. Truri duhet të dallojë nëse personi e ka pasur seriozisht, ka qenë duke bërë shaka, apo ka dashur të nënkuptojë diçka krejt tjetër. Ky proces rrit fleksibilitetin kognitiv dhe aftësinë për të lexuar situata sociale.
Pikërisht për këtë arsye, studiuesit thonë se ironia funksionon si një ushtrim mental, i cili i mban të dyja palët më të mprehta dhe më krijuese. Ajo zhvillon mënyrën e të menduarit dhe nxit ide të reja, shpesh më shpejt se forma të tjera të komunikimit. Pa na thoni, ku i kemi ironikët?
