“Ka shumë Irina të ndryshme. Është ajo që e gjithë bota njeh, që i bën të “çmenden” të gjithë meshkujt me perfeksionin e saj latin. Është Irina profesionale, e para që arrin në një set fotografik dhe e fundit që largohet, një vajzë plot me energji, që jep shpirtin në çdo gjë që bën. Dhe më pas është Irina që njoh unë”.
Kështu e prezanton Irina-n, Riccardo Tisci, drejtori artistik i Givenchy, i cili takon supermodelen për GQ Itali, në numrin e shtatorit. Fotografitë sensuale ku Irina shfaqet nudo janë realizuar nga Mario Sorrenti. Me bukurinë natyrale, çdo gjë duket se është e tepërt në pamjen e saj. Në një nga fotot e realizuara, Mario ka zgjedhur që të kujtojë pozën e realizuar prej tij në vitin 1992 por me supermodelen Kate Moss. Ashtu si Moss dikur, Irina shfaqet e zhveshur ndërsa qëndron e shtrirë me bark sipër një divani. Ndryshimi i vetëm është drejtimi në të cilën qëndrojnë dy supermodelet.
Cili është kujtimi më i bukur i fëmijërisë tënde?
Udhëtimet me familjen time në pyll për të marr kërpudha, darkët me prindërit e mi, vizitat në garazh për të parë babanë tim ndërsa riparon makinën tonë. Unë që punoj në kopsht me mamanë dhe motrën time. Vetëm kujtime të mira, në fakt. Më pëlqente të shkoja me të gjithë familjen për të vizituar gjyshen në fshatin e saj, një udhëtim pesë orë me makinë. Kjo ishte një aventurë e madhe, udhëtimi, koha e kaluar me të kaq larg nga shtëpia.
Më tregoni se si nisi karriera jote.
Nuk ka qenë kurrë ëndrra ime kur isha fëmijë. E lindur dhe e rritur në një qytet të vogël dhe aq që mendoja se isha e bukur. Në moshën 14-vjeçare nuk e di se çfarë do të jepja për të qenë djalë, mendoja se isha e tmerrshme dhe nuk i pëlqeja askujt. I urreja veshjet rozë dhe lulet që më vendoste nëna ime. Ndiqja një shkollë muzike sepse ajo ishte mësuese piano, por në moshën 19-vjeçare u zhvendosa në qytet për të studiuar për marketing.
Dhe pastaj çfarë ndodhi?
Motra ime më kërkoi që të bashkohesha me të në një qytet tjetër, ku ajo bënte një kurs bukurie. Ngjitur me derën e saj ndodhej një agjenci modelingu dhe kështu më zbuluan, krejt rastësisht.
Intervista e plotë ndodhet në numrin e ri të revistës “GQ”.
*Shfleto galerinë
Burimi: GQ Italia
