Numri i iranianëve të vrarë nga sulmet izraelite që nga 13 qershori ka arritur në 606, sipas Ministrisë së Shëndetësisë së Iranit. Ministri Mohammad Reza Zafargani bëri me dije se mbi 5,000 persona janë plagosur dhe po marrin trajtim mjekësor.
Sipas ministrit, 24 orët e fundit kanë qenë më të rënda, me 107 viktima vetëm në këtë periudhë.
Megjithatë, pas këtyre sulmeve intensive, Irani dhe Izraeli kanë arritur një marrëveshje për armëpushim, të cilën e bëri të ditur presidenti amerikan Donald Trump.
Kjo marrëveshje shënon një hap të rëndësishëm drejt uljes së tensioneve në rajonin e Lindjes së Mesme.
