Në tetor të vitit që lamë pas, aktori i njohur i humorit, Gaz Paja dhe partnerja e tij, Ira Seferi, u bënë prindër për herë të parë.
Ira solli në jetë një vogëlush të cilin e pagëzuan me emrin Dard.
Çifti është munduar ta mbajë të voglin larg syrit të mediave, megjithatë Ira nuk i ka rezistuar disa pozave të ëmbla të Dardit.
Megjithëse nuk e ka publikuar portretin e tij, partnerja e Gazit ka ndarë një foto me të birin në krahë i cili duket se është rritur shumë nga hera e fundit që kemi parë.
Ira e mban të voglin në krah dhe ka shkrepur një foto para pasqyrës, ndërsa ai duket se po lëviz në krahët e së ëmës.
Pavarësisht se nuk e kemi parë portretin e tij, partnerja e aktorit ka treguar se Dardi është një kopje e vogël e Gazit.
Më herët, Ira ka rrëfyer se megjithëse nuk ka lidhje me aktrimin, me Gazin është njohur në një film.
Në qershor të vitit që lamë pas, Ira dhe Gazi i thanë “Po” njëri-tjetrit, duke i dhënë fund beqarisë.
