“Apple” prezantoi dje “iPhone 8”, ndoshta celularin më “të mërzitshëm” ndonjëherë prej tyre. Kjo për shkak se ai erdhi si një pararendës i “iPhone X”, celularit më futurist të “Apple”.
“IPhone 8” ka një pamje si të “iPhone 7”, i cili në vetvete huazoi dizajnin e 6 dhe 6s. Por “IPhone”-i i ri përfshin një sërë veçorish të reja, duke përfshirë një aparat fotografik të përmirësuar dhe procesorë të shpejtë.
“IPhone 8” përmban një ekran me retinë prej 11.9 cm, por ka edhe një model me përmasa më të madha, “iPhone 8 Plus”, që ka një ekran me retinë prej 12.7 cm.
Sidoqoftë, madhësia nuk është e vetmja gjë që i dallon ato.
Ashtu si me gjeneratën e fundit të “iPhone”, “iPhone 8” përmban një sensor të vetëm kamere, një lente 12 megapikselë, ndërsa modeli më i madh ka një konfigurim të dyfishtë kamere, të kombinuar me një çift sensorësh me 12 megapikselë.
Ekziston një tipar i ri i quajtur “Ndriçimi i portretit”, i cili ju lejon të ndryshoni ndriçimin për t’i bërë portretet të duken më mirë.
Kamera gjithashtu është ndërtuar posaçërisht për ndjekjen e lëvizjeve. Të dy celularët, të cilët janë në dispozicion në ngjyrën argjend, gri dhe në ngjyrë rozë të artë, kanë xham në pjesën e përparme dhe të prapme, si dhe janë rezistent ndaj ujit dhe pluhurit.
Ata gjithashtu mund të karikohen përmes “wireless”-it, kështu që nuk ju duhet t’i vendosni fishën e karikuesit.
Mund t’i porosisni ato më 15 shtator dhe transporti do të nisë më 22 shtator.
Celularët janë në dispozicion me 32GB, 128GB ose 256GB hapësirë, dhe fillojnë në 699 dollarë dhe 799 dollarë.
“iPhone 8” me 64 GB do të kushtojë 1.099 dollarë, 256 GB, dhe ai me 512 GB do të kushtojë 1199 dollarë. Ashtu siç ndodhi me “iPhone 7”, në Turqi dhe Shqipëri kemi paguar 200 dollarë më shumë për t’i patur.
Burimi: Independent
