Interi nisi me këmbën e mbarë sezonin e ri, duke siguruar një fitore të pastër 2-0 ndaj Lecce në ndeshjen e parë të Serisë A. Kampionët në fuqi treguan dominancë në fushë, duke rikuperuar shpejt pas barazimit zhgënjyes ndaj Genoas.
Pas ndeshjes, trajneri Simone Inzaghi foli për paraqitjen e ekipit dhe rolin e rëndësishëm të Kristjan Asllanit. I pyetur nëse mesfushori shqiptar do të kishte hyrë në lojë edhe kur rezultati ishte ende 0-0, Inzaghi e pohoi pa hezitim.
“Ne ishim të zhgënjyer nga barazimi në atë mënyrë kundër kundër Genoas. Donim që të ktheheshim përsëri te fitoret, por kisha parë shenja të shkëlqyera gjatë javës. A do të hynte Asllani në fushë përpara penalltisë? Sigurisht, Asllani është një lojtar i rëndësishëm, i cili do të na jepte një dorë të mirë,” tha Inzaghi, duke nënvizuar rëndësinë e Asllanit për skuadrën.
Fitorja ndaj Lecce-s e vendos Interin në rrugën e duhur për mbrojtjen e titullit, me Inzaghin që theksoi rëndësinë e rikthimit te fitoret që në startin e kampionatit.
