Ndërkohë që i gjithë interneti po zien pas publikimit të videos ku shfaqej në momente intime me këngëtaren Jonida Maliqi (shiko këtu), Romeo Veshaj ka reaguar për herë të parë.
Aktori i njohur i spektaklit të humorit “AlPazar” është filmuar duke shkuar me gëzim të madh në punë. Në një video të publikuar nga vëllai i tij binjak, Donaldi, Romeo shihet duke kënduar këngën e Wiz Khalifa, “See You Again” dhe madje duke kapur disa nota të larta.
Aktori duket i lumtur nga e gjithë kjo situatë dhe duket se nuk i intereson shumë çfarë shkruhet për të!
Dje, në një video të siguruar nga MCN Radio Albania, Jonida Maliqi shihej shumë pranë Romeos. Ata ndodheshin në pishinë, të përqafuar dhe duke kaluar disa momente vërtet romantike të filmuara këto ditë të nxehta.
Çifti nuk ka bërë asnjë reagim sa i përket lajmit të bujshëm, dhe me sa duket Romeo është i fokusuar te puna e tij. Ai së bashku me Donaldin dhe Bora Zemanin do të sjellin një program të ri që titullohet “3-shat” dhe që do të vijë shumë shpejt në transmetim në Tring.
