A keni dashur ndonjëherë një ‘bob’ që është pak më i shkurtër se normalisht? Apo ndoshta një prerje ‘pixie’ që është pak më e gjatë? Nëse përgjigjja është po, kemi një lajm të mirë për ju. Prerja e famshme e flokëve të viteve 1990, e njohur si “bixie”, është rikthyer dhe do të mbizotërojë këtë vit.
Edhe pse vitet ’90 ishin të mbushura me modele flokësh të njohura, nuk ka dyshim që bixie bie në sy më shumë nga të gjitha. E preferuar nga ikona e stilit, Princesha Diana, si dhe nga një numër i madh i të famshmeve, si Winona Ryder dhe Gwyneth Paltrow, biksi bëri emër. Edhe pse trendi përfundimisht u zbeh, duhet të falënderojmë vitin 2022 që e solli atë sërish; gjithandej po shohim yje që presin flokët e tyre në këtë model.
Pra, çfarë është saktësisht një “bixie”?
Gjysmë ‘bob’, gjysmë ‘pixie’, prerja e flokëve njihet për majat e saj si pupla dhe shkallëzim mjaft të theksuar. Gjatësia e ‘bixie’ është pikërisht në mes të gjatësisë së një ‘pixie’ tipike dhe një ‘bob’ tipike, duke rezultuar në disa funde që kornizojnë fytyrën.
Më poshtë disa nga vajzat e famshme që e kanë përqafuar këtë trend, që do t’ju frymëzojnë për takimin e radhës në sallonin e bukurisë.
