Steve Walsh, është një biznesmen britanik, i cili ka infektuar 11 persona me koronavirus.
Pa dijeninë e tij, ai kishte marrë virusin në Singaporë dhe e shpërndau atë teksa ndodhej në një pistë skijimi në Francë.
Momentalisht ai ndodhet i izoluar, por mjekët kanë treguar se Steve është jashtë rrezikut për jetë.
Pesë nga rastet që besohet se Walsh u ngjiti virusin janë në Angli, pesë janë në Francë dhe një është në Majorka, Spanjë. Dy prej personave që e morën këtë virus janë shoku i tij, Bob Saynor dhe gruaja, Catriona Greenwood.
Biznesmeni ka folur së fundmi lidhur me ngjarjen dhe ka treguar se është shumë i mërzitur. Ai shpreh keqardhje për personat që infektoi dhe tha se vetë është plotësisht i shëruar nga virusi.
