Si në shumë vende të tjera edhe në vendin tonë, vjeshta ka sjellë një valë të dytë infektimesh me Covid-19 duke infektuar shumë njerëz nga institucione të ndryshme shtetërore që janë në kontakt të drejtpërdrejtë me të tjerët.
Kështu gjatë ditës së sotme është mbyllur kopshti i fëmijëve në Peqin pasi edukatorja e këtij kopshti ka rezultuar pozitive me Covid-19.Menjëherë sapo ka marrë përgjigjen pozitive edukatorja është izoluar në shtëpi dhe pritet që t’iu bëhet tamponi dhe 10 punonjësve që kanë shfaqur simptoma.
Ndërkohë në 24 orët e fundit është konfirmuar me Covid-19 edhe një zyrtar i Ujësjellësit të Peqinit.
Në përditësimin e fundit Ministria e Shëndetësisë njoftoi se nga 1405 testime të kryera kanë rezultuar pozitiv me COVID-19, 302 persona duke lënë pas rekordin që ishte para dy ditëve me 301 të infektuar. Fatkeqësisht e kanë humbur betejën me COVID19, një 62 vjeçar dhe një 80 vjeçar nga Tirana, një 63 vjeçare nga Mirdita, me sëmundje bashkëshoqëruese. /GazetaReforma.Com
