Vendi ynë ka bërë shumë hapa pas në Indeksin e Inovacionit Global (GII) për vitin 2021.
Ky është edicioni i 14-të i Indeksit, i publikuar nga Organizata Botërore për Pronësi Intelektuale (WIPO), në bashkëpunim me INSEAD dhe Universitetin Kornel, i cili rendit 132 vende sipas 81 indikatorëve nga burime publike dhe private ndërkombëtare.
Shqipëria renditet në vendin e 84, nga vendi i 83 një vit më parë, ndërsa krahasuar me vendet e rajonit, ajo vijon të qendrojë e fundit.
Përsa i përket produkteve finale në kërkim dhe teknologji, Shqipëria renditet më dobët se të gjithë elementet e tjerë, ne vendin e 103. Në këtë fushë, vendi ynë është vlerësuar vetëm me 12 pikë.
Ky element lidhet me patentat e shpikjeve të regjistruara sipas origjinës, modelet e përdorimit sipas origjinës, pronësia intelektuale, eksportet në inovacion dhe teknologji, investimet shqiptare që shkojnë drejt vendeve të tjera, ndikimi i njohurive, shpenzimet për softuer, certifikatat e cilësisë ISO.
Gjithashtu, Shqipëria është renditur në vendin e 81 për elementin e fundit: produkte krijuese, e vlerësuar me 20.3 pikë gjithsej.
Në këtë element përfshihen markat tregtare sipas origjinës, vlera e markës globale, produktet dhe shërbimet krijuese, eksportet e produkteve krijuese, kreativiteti online, korigjimet në Wikipedia, krijimi i aplikacioneve celular.
Duket se as për këtë vit, Shqipëria nuk i bëri siç duhet “detyrat e shtëpisë”.
Burimi: Monitor
