Ditën e sotme ishte e ftuar në emisionin “Ndryshe” me Salsano Rrapi dhe Elona DuroHeidi Baci. Ajo tashmë ka marrë edhe rolin e prezantueses së “Big Brother VIP Fan Club”.
PYETJE- Si ndihet ajo pas puntatës së parë të këtij emisioni kaq të ndjekur?
Heidi- Ndihem shumë mirë. Sinqerisht të gjithë janë surprizuar për mirë. Nuk e prisnin, sepse gjithsesi Fan Club është emision i vështirë live. Kisha faktikisht shumë emocione. Unë tek vetja shoh shumë defekte, por që e kam pritur shumë mirë dhe ja dola. Jam e lumtur me veten time.
E pyetur sesi nisi kjo eksperiencë e parë e saj në fushën e moderimit, Heidi u përgjigj:
Heidi- Po, hera e parë. Shkoi vërtetë çdo gjë mirë. Jam shumë e lumtur dhe i menaxhova mirë edhe momentet me të papritura, se pjesën e fundit unë disa gjëra për shembull nuk i dëgjoja mirë.
PYETJE– E kanë krahasuar me prezantueset e viteve më përpara?
Heidi- Në fakt, nuk kam parë krahasime me thënë të drejtën. Diçka ka thënë Ronaldo sot në “Wake Up” që më ka krahasuar me Enxhin më duket, por të gjithë kanë pasur fjalë pozitive.
Gjithashtu, gjatë këtij episodi të parë Heidi Baci është përplasur me banorin e ri që pritet të hyjë në shtëpi, Gert Ferra. Ja si u komentua në studio ky moment:
Salsano: O zemra, tani deri në fund të emisionit kështu do të thërras.
Heidi: Jo…
Salsano: O zemër, ti pretendon që pas këtij Fan Club të shkosh më lart në prezantim?
Heidi: Absolutisht që po. Domethënë ai është synimi. Fan Club live është një shkollë tani në këtë moment për mua.
