Një incident i rëndë ka ndodhur mbrëmjen e djeshme në Krushevac të Serbisë ku një autobus me targa shqiptare që udhëtonte nga Prishtina drejt Frankfurtit është sulmuar.
Persona ende të paidentifikuar kanë qëlluar me gurë mjetin në të cilin disa qytetarë të Kosovës po udhëtonin drejt shtetit gjerman.
Mësohet se nga goditjet nuk ka pasur të lënduar, por vetëm dëme materiale, konkretisht thyerja e xhamit të përparmë të autobusit.
Nuk dihet ende se çfarë i ka shtyrë agresorët të bëjnë një veprim të tillë, por mediat e Kosovës raportojnë se ndonëse i përkiste një agjencie kosovare, autobusi mbante targa të shtetit shqiptar.
Bëhet e ditur se policia serbe ka nisur proceduarat për identifikimin e agresorëve.
Burimi: Balkanweb
