Këngëtarja Lola Young ka pësuar një incident të tmerrshëm pasi është rrëzuar në skenë gjatë festivalit All Things Go Music në New York City, duke shkaktuar shqetësim tek publiku i saj.
Këngëtarja 24-vjeçare po performonte hitin e saj “Conceited” në stadiumin Forest Hills të shtunën, më 27 shtator, kur u desh të nxirrej nga skena nga personeli mjekësor, ndërsa publiku e brohoriste.
Më vonë, ajo i siguroi fansat e saj nëpërmjet një storie në Instagram se ishte “mirë”: “Përshëndetje, kujtdo që pa paraqitjen time në All Things Go sot, jam mirë tani”, shkroi ajo. “Faleminderit për gjithë mbështetjen tuaj, Lola.”
Incidenti vjen pas një anulimi të mëparshëm të performancës së saj të planifikuar në We Can Survive të Audacy të premten për shkak të një “çështjeje të ndjeshme”, tha menaxheri i saj, Nick Szymanski. Këngëtarja, e cila ka qenë e hapur për shëndetin e saj mendor, ndonjëherë ka probleme dhe ka ditë kur ekipi i saj duhet të marrë masa paraprake për sigurinë e saj.
Lola Young ka qenë e hapur në lidhje me problemet e saj me shëndetin mendor dhe varësinë, pasi është diagnostikuar me çrregullim skizoafektiv në moshën 17 vjeç. Në një intervistë me Guardian në gusht, ajo foli për problemet personale me të cilat përballet gjatë turneut, duke vënë në dukje se përvojat e kanë bërë më të dhembshura ndaj atyre që kalojnë nëpër situata të ngjashme.
“Është një luftë, patjetër që më është dashur të punoj për shërimin e brendshëm ndërsa po luftoja me turnetë dhe gjëra të tilla”, i tha ajo Guardian në gusht, duke shtuar: “Më është dashur të bëj një pushim për një kohë ndërsa po luftoja me gjërat “, vazhdoi ajo.
