Koncerti i Dua Lipës në Kinë është shoqëruar me një incident aspak të këndshëm.
Një numër i madh të rinjsh që po shijonin në maksimum atmosferën, u larguan në mënyrë të dhunshme nga policia.
Siç raportojnë mediat e huaja thuhet se fansat e tjerë të pranishëm në koncert kanë deklaruar se në fakt personeli i sigurimit i ka larguar njerëzit sepse ata kërcenin me disa flamuj të cilët i përkasin komunitetit LGBT.
Në Kinë, përkrahja për këtë komunitet konsiderohet e paligjshme.
Në videon e publikuar nga ‘The Sun’ mund ta shihni mënyrën e dhunshme që ka përdorur policia atje dhe trajtimin e keq që u ka bërë fansave.
Në video njëri prej policëve shihet duke i treguar gishtin e mesit fansit.
Dua Lipa ka bërë një deklaratë në profilin e saj Instagram për të gjithë fansat që janë nxjerrë me forcë jashtë koncertit të saj në Shangai.
“Natën e kaluar, gjithcka e bëra për fansat e mi. U premtova një shfaqje, këndova dhe kërceva me ta. Unë do qëndoj pranë jush për të gjithë dashurinë dhe besimin që keni treguar. Jam krenare dhe mirënjohëse që jeni ngritur të tregoni krenarinë tuaj në shfaqjen time. Ajo cfarë bëtë ju kërkon shumë guxim. Me muzikën time, dua të sjell gjithmonë fuqi, shpresë dhe unitet. Unë u tmerrova nga ajo cfarë ndodhi dhe i dhuroj dashuri të gjithë fansave që e përjetuan atë gjë. Do doja që të kthehesha për fansat e mi në një kohë të duhur dhe të shpresojmë se do kemi një të mbushur me ylberë. Të dua Shangai”, shkruajti Dua.
