Ina Kollçaku është e eliminuara e “Dancing With The Stars”, ajo ka qenë e ftuar sot në “Fan Club” ku ka folur për eliminimin dhe eksperiencën që ish konkurentja ka patur gjatë spektaklit të kërcimit.
Ajo flet edhe për raportin e saj me Valbonën, pasi ato të dyja kanë patur shpesh përplasje gjatë spektaklit.
Ina: “Unë e dija shumë mirë që nuk do të merrja pikë nga Valbona,që pa nisur kompeticioni, nga shikimet kur haseshim nëpër korridore, sepse ti e kupton kur një njeri të pëlqen apo jo, por do kisha vlerësuar edhe ndershmërinë e të thënit që, dëgjo ti mund të performosh çfarëdolloj gjëje të duash dhe të jesh në nivelin më të lartë të mundshëm, por ti mua nuk më pëlqen në skenë dhe prandaj ke 6 pikë.”
Kiara e pyet nëse kanë patur kontakt para nisjes së spektaklit, apo nëse Valbona e ka pikasur që më parë atë, Ina tha që s’kanë patur kurrë kontakt me njëra-tjetrën.
Ina: “Valbona më ka kërkuar disa herë gjatë festës së “Top Channel” për t’u sqaruar, me shumë delikatesë unë bëra një bisedë sepse normalisht jam e edukuar, por meqë ishte ajo që e ka kërkuar bisedën, mendova që ishte mbyllur aty. E vërteta është që nuk e kishte mbyllur.”
Ina ka publikuar disa të pyetje të ndjekësve të saj në rrjetet sociale, ku janë të interesuar të mësojnë për raportin e saj me Valbonën dhe ajo shprehet që arti është subjektiv dhe do të respektojë mendimin e të tjerëve.
