Si pjesë e “Big Brother Vip”, Ilir Shaqiri përveç çmimit të madh fitoi edhe një kontratë me “Digitalb”, ku ai do të ishte imazhi zyrtar i platformës.
Por së fundmi janë ngritur dyshime jo vetëm për marrëdhënien e tij me drejtuesit e “Top Media”, por edhe për bashkëpunimin e tij me “Digitalb.”
Në puntatën e fundit të “Dance Albania”, Iliri shprehu dëshirën që të kërcejë me vajzën e tij Emily, e cila festoi disa ditë më parë ditëlindjen. Ai u shpreh se Emily e ndjek atë përmes aplikacionit, dhe më pas Ermal Mamaqi e pyeti: “Je Akoma imazh i Digitalb ti se s’të kam parë më?”
Përgjigja e Ilirit ishte e shkurtër, teksa ai u shpreh: “I Digitalbit? Atë e di partia”
Ishte vetë Iliri që e riktheu në vëmendje përgjigjen e tij, duke ripostuar bisedën, e cila ishte publikuar fillimisht nga një faqe. Mes të tjerash faqja në Instagram shkruan se “Marrëdhëniet e Iliri me drejtuesit e Top Channel dhe Digitalb nuk janë të mira.”
Por së fundmi balerini ka sqaruar gjithçka duke shprehur se bashkëpunimi me “Digitalb” vazhdon. Megjithatë ai nuk i kurseu ironitë në përgjigjen e tij:
“Sigurisht bashkëpunimi vazhdon, është një kontratë që unë kam me ata deri më 31 shkurt. Po presim spotin e radhës. Noshta ndonjë anije kozmike që do arrijë në hënë”
Ndër të tjera, Alketa Vejsiu gjatë “Dance Albania” na futi në dyshime lidhur me pjesëmarrjen e Ilirit në “L’isola dei famosi”.
“Kam bindjen që ti Ilir Shaqiri do ta fitosh “L’isola dei famosi”, tha Alketa.
Mirëpo Iliri nuk bëri asnjë koment, madje ai thjesht buzëqeshi. Kur u pyet së fundmi nga Ermir Mamaqi nëse do të bëhet pjesë ai tha:
“Është një moment që kam vendosur mos ta nxjerr më, po të ndodhi do të ndodhi. Është objektiv ii imi dhe kur kam në kokë objektiva, i lë kohë kohës. Nuk mund të them nëse do jem sepse do marrim veten mësysh”
