Bukuroshja Ilda Bejleri është përfolur vazhdimisht në media se mund të ishte e lidhur me ndonjë nga djemtë e Kombëtares shqiptare, duke qenë se shoqërohet vazhdimisht me ta. Moderatorja e ka mohuar në mënyrë kategorike këtë gjë duke treguar se nuk është domosdoshmërish e thënë që i dashuri i saj të jetë futbollist.
Dhe me sa duket paska qenë e vërtetë sepse Ilda kohët e fundit po përflitet se është në një lidhje dashurie me deputetin Klevis Balliu. Vetëm pak kohë më parë ata u kapën mat teksa po largoheshin nga një lokal. Madje miq të afërt të tyre kanë thënë se çifti tashmë po bën plane për të nisur një bashkëjetesë.
E ftuar dje tek emisioni i pasdites “Rudina” Ildës iu shfaqën në ekran këto foto që qarkulluan kohë më parë në media, të cilat kur i pa qeshi.
“Nuk është momenti për të folur për jetën time private”, tha Ilda ndërsa u shfaqën fotot në ekran.
Rudina insistoi në këtë pjesë duke u shprehur se të gjithë thonë se ata të dy janë të lidhur.
“Klevisin e njoh, e kam mik, është një person me shumë vlera, një shok shumë i mirë” u shpreh Ilda duke e cilësuar Klevisin si shok, por duke mos treguar asnjë detaj më shumë rreth marrëdhënies së tyre.
Ndërkohë më tej moderatorja sportive insistoi se nuk ishte momenti për të folur për ata të dy.
“Nuk është momenti për të folur për ne të dy sepse jam vënë gjithmonë në qendër të vëmendjes për të tilla gjëra”, tha Ilda.
