Jennifer Garner dhe Ben Affleck mund të jenë ish-a, por kjo nuk e pengoi aktoren që t’i uronte ish-partnerit të saj suksese në martesën e tij të re me Jennifer Lopez.
Affleck dhe J Lo u martuan në fillim të këtij viti, por shumica e njerëzve u habitën pasi Garner ishte një nga të parat që uroi çiftin.
“Garner uroi Ben dhe J Lo pas dasmës së tyre në Las Vegas dhe madje u dërgoi një buqetë të bukur me lule”, tha një burim anonim për “Hollywood Life”.
Në vend që të jetë xheloze për partnerin e saj aktual, J Lo është e lumtur për marrëdhënien e mirë që ka Affleck me Garner.
“Ajo mendon se është mirë që Jennifer dhe Ben janë ende kaq të afërt”, vazhdoi burimi.
Marrëdhënia e J Lo dhe Affleck nisi në fillim të viteve 2000, megjithëse më pas ata u ndanë dhe kaluan vite të ndarë përpara se të ribashkoheshin kohët e fundit, më pas u martuan në vitin 2022.
Garner e do Lopez-in dhe është e lumtur me marrëdhënien që ajo dhe Affleck kanë.
“Ajo ka një ndikim të madh te Beni dhe gjithçka që Garner dëshironte ishte që ai të ishte i lumtur dhe i shëndetshëm. Ajo thjesht dëshiron që ai të jetë aty për fëmijët e tij. Tani, ai është i aftë ti bëjë si duhet të gjitha këto gjëra. Martesa e ka ndryshuar atë dhe kjo ka hequr një peshë të madhe mbi supet e Garnerit. Tani ajo nuk duhet të shqetësohet më për të” , tha i njëjti burim.
